Студиото Niantic работи на својата нова игрица наречена Monster Hunter Now, која ќе биде достапна од септември годинава.
Niantic е најпознат по својата игрица „Pokemon Go“, а сега се здружи со Capcom за заеднички да развијат игрица базирана на франшизата „Monster Hunter“. Новата игрица се вика „Monster Hunter Now“ и има за цел да го трансформира ловот на чудовишта во искуство од AR (проширена реалност) по што е познат Niantic.
Деталите за игрицата се многу малку во моментов, но Niantic најави дека ќе открие повеќе кога ќе започне затворената бета верзија во блиска иднина. „Monster Hunter Now“ се чини дека следи малку позната формула се претпоставува дека универзумот на „Monster Hunter“ влегува во нашиот свет и играчите ќе можат да „сретнат“ чудовишта на мапа од реалниот свет.
Игрицата треба да го користи истиот гејмплеј циклус по кој е позната „Monster Hunter“. Ловот на чудовишта ќе се наградува со различни материјали кои потоа може да се користат за да се направи подобро оружје и оклоп, што ќе бидат потребни за да се ловат попредизвикувачки чудовишта. Играчите ќе можат да одат на лов заедно со своите пријатели. Сепак, мобилната верзија на игрицата ќе вклучува битки што ќе траат максимум 75 секунди.
„Сакавме да го направиме борбениот елемент едноставен и интуитивен, но сепак тежок за совладување“, рече Сакае Осуми, постар продуцент во студиото на Niantic во Токио.
Играчите ќе можат да пукаат чудовишта со пејнтбол и да ги означуваат во движење за да можат да се борат со нив дома или на друга локација.
Новата игрица ќе биде достапна од септември за iOS и Android уредите.
