Еден од најдобрите ракометари во историјата, Никола Карабатиќ, мора привремено да ја прекине кариерата поради големи здравствени проблеми.
Француски ПСЖ соопшти дека Карабатиќ ќе мора да паузира во следните три месеци поради флебитис на десната нога. Флебитис е состојба во која има воспаление и формирање на згрутчување на површните вени.
Бидејќи неговата состојба е надвор од опсегот на класичната спортска медицина, тој ќе мора да се лекува според проблемот, а за тоа време нема да смее ниту да тренира со тимот.
„Карабатиќ ќе мора да следи терапија базирана на антикоагуланси. Овој третман не е компатибилен со контактни спортови на високо ниво, па играчот ќе биде надвор од терените најмалку три месеци“, соопшти ПСЖ.
Карабатиќ има 38 години и привремено ќе го напушти ракометот, но тоа не значи дека ќе ја заврши кариерата. Карабатиќ би можел дури и да се врати до крајот на оваа сезона, односно на фајналфорот во Лигата на шампионите во јуни, доколку таму се пласира ПСЖ и доколку францускиот репрезентативец може да игра.
