Кошаркарите на Лос Анџелес Лејкерс со победа го започнаа големото финале во НБА лигата.
Тие рано утрово го совладаа тимот на Мајами Хит со 116:98 во првиот натпревар од финалето на НБА лигата.
Лејкерс беа подобри во поголемиот дел од натпреварот и по првата четвртина водеа со 31:28, а на полувреме имаа предност од 65:48. А крајот на третиот дел семафорот покажа 93:67, предност која екипата на Мајами во последната четвртина не можеше да ја надомести иако ја реши во своја корист (31:23), па само успеа да го ублажи поразот од доминантните Лејкерс. На крајот разликата во поени беше 18 за Лос Анџелес Лејкерс и „Езерџиите“ победија со 116:98.
До триумфот ги донесе Ентони Дејвис со 34 поени, а Леброн Џејмс ја заврши средбата со 25 поени.
Најдобар во екипата на Мајами беше Џими Батлер кој придонесе со 23 поени, но и се повреди. Во редовите на Хит се повреди и Горан Драгиќ.
Шампион ќе стане тимот којшто прв ќе стигне до четири победи.
