На вчерашниот натпревар од првото коло на Австралија опен, Новак Ѓоковиќ го совлада Дино Прижмиќ, а она што се случи во текот на играта ги насмеа сите присутни.
За време на натпреварот, поточно во текот на четвртиот сет, се случи една сосема несекојдневна ситуација. Кога Ноле водеше со 4:1 и сервираше, едно лице извика од трибините: „Ожени ме!“
Ова ја насмеа публиката, па дури и самиот Новак, кој дури и возврати, во свој стил:
„Оженет сум“, одговори Новак и уште повеќе ја насмеа публиката која го поздрави со аплауз. Како изгледаше сè, погледнете во видео прилог:
Да потсетиме, Ѓоковиќ во следното коло ќе игра против Алексеј Попирин или Марк Полманс.
