Официјалната веб-страница на Белата куќа објави соопштение во кое се наведува дека на невакцинираните лица повеќе нема да им треба вакцина против коронавирусот за да можат да влезат на територијата на Соединетите Американски Држави.
Тоа значи дека светскиот рекет број еден Новак Ѓоковиќ ќе може да настапи на УС Опен, последниот Грен слем сезонава, кој во август и септември се одржува во Њујорк.
„Американската администрација ќе го прекине барањето за вакцинација против COVID-19 за сите вработени, меѓународни патници, работници во образованието и други“, се вели во официјалното соопштение.
Српскиот тенисер веќе пропушти некои важни турнири поради неговата добро позната позиција кога е во прашање вакцинацијата против COVID-19.
Сезонава не беше на Мастерсот во Индијан Велс и Мајами, а лани не настапи на УС Опен каде ќе ја бара четвртата титула. Тој претходно славеше на терените во Њујорк во 2011, 2015 и 2018 година.
УС опен годинава започнува на 28 август и ќе трае до 10 септември. Шпанскиот тенисер Карлос Алкараз ја брани титулата од минатата сезона.
