Најдобриот тенисер во светот Новак Ѓоковиќ изјави дека уморот не бил причина за неговиот пораз од Александар Зверев 7:6(7:4), 4:6, 6:3 во полуфиналето на АТП завршниот мастерс во Торино.
„И пред натпреварот реков дека тој е еден од најдобрите сервери во светот, а сега го докажа тоа. И јас сервирав добро, но имав многу лош гем во третиот сет. Три форхенд и една бекхенд неизнудена грешка од лесна позиција. Имав шанса да се вратам на 2:4, го промашив форхендот по должина на брејк топката. Тежок меч, но уживав. Игравме многу квалитетен тенис, како и секогаш“, вели Ѓоковиќ.
На прашањето дали бил уморен, Новак одговори:
„Воопшто не бев уморен. Можев да играм уште неколку часа. Како што реков, имав многу лош гем на 1:2, четири неизнудени грешки. Тешко беше да се вратам на ваква подлога, тоа е сè“, истакна Ѓоковиќ.
Зверев за титулата ќе игра со Данил Медведев во 17 часот.