Новата девојка на Жерард Пике, 23-годишната студентка Клара Чиа Марти, објави видео на кое танцува во црно бикини на „Te Felicito“ на Шакира.
Видеото Клара го објави на својот Instagram профил кој е заклучен за јавноста, но набрзо снимката се појави и на Twitter.
Обожавателите на колумбиската пејачка тоа го протолкуваа како провокација и ја прозваа Клара во коментарите.
„Ова е пример за провокација и непочитување“, „Како се осмелуваш да танцуваш на песната на Шакира“, „Колку е слатко што се обидуваш на секој можен начин да привлечеш внимание... Сигурно е многу тешко да се живее во сенката на Шакира“, се некои од коментарите под видеото.
Песната „Te Felicito“ во превод значи „ти честитам“ и е дуел на Шакира и Раул Алехандро. Видео-записот беше објавен во април годинава.
Имаше и такви кои тврдат дека снимката е лажна и дека музиката е додадена на видеото потоа.
За потсетување, Шакира и Пике го објавија раскинувањето пред неполни три месеци, а заедно беа 12 години и имаат два сина, 9-годишниот Милан и 7-годишниот Саша.
Пике пред неколку дена ја потврди врската со Клара со бакнежи на фестивалот Summerfest Cerdanya во Каталонија, каде што беа снимени од папараци.
Исто така, се појави и нова фотографија од Пике и Клара на која се снимени како се шетаат, а фановите на Шакира не ја пропуштија можноста да дадат негативни коментари за изгледот на 23-годишната студентка.