Новиот трејлер открива повеќе детали за животот на познатата пејачка и најави одличен биографски филм.
Биографските филмови за животот на легендарните музичари секогаш се одлично прифатени од страна на обожавателите на нивната музика, но и од широката филмска, публика. Елтон Џон, Фреди Меркјури, Елвис Присли, Еминем, Селена, Реј Чарлс се само некои од звучните имиња чии животи се имаат појавено на филмското платно.
Од 22 декември публиката во кината ширум светот ќе има можност да го прослави извонредниот живот зад легендарниот глас преку филмот „I Wanna Dance With Somebody: Film about Whitney Houston“. Премиерата ќе биде ден порано во САД.
Најновиот трејлер покажува дополнителни детали од кариерата и животот на Витни. Нејзиниот татко, Џон Расел, воедно и нејзин менаџер, имал тешко време да најде рамнотежа помеѓу нивното семејство и деловниот однос. Токму тука врската на Витни со музичарот Боби Браун, со кој на крајот основала семејство, доаѓа во центарот на вниманието. Сепак, музиката е она што ја одбележа Витни. И она што ја карактеризира Витни. Трејлерот е во стилот и на безвременскиот хит „I Will Always Love You“ од филмот „The Bodyguard“, во кој Витни го имаше своето актерско деби. Од сѐ што досега знаеме за овој долгоочекуван филм, јасно е дека музиката за Витни Хјустон нема граници, а сцената е местото каде таа успешно се пронашла себеси и својата цел.
