Американските медиуми објавија нови сателитски снимки од руската војска распоредена на Крим.
Според New York Times, сите тврдења на рускиот претседател Владимир Путин, дека САД се обидуваат да ја вовлечат Русија во војна поради Украина, паѓаат во вода кога ќе се погледнат снимките на кои се гледа како руската војска се натрупува околу Украина.
Последната сателитска снимка тоа и го докажа, пишува New York Times, додавајќи дека снимката е направена пред два дена и покажува како никнале нови формации на руската војска на Крим.
Американскиот весник ги анализираше сателитските снимки направени во претходните десет дена, по што изведе заклучок дека Путин продолжува да го зголемува присуството на војската во тоа ризично подрачје.
Воен експерт од компанијата која ги направи снимките изјави за весникот дека според анализата на сите снимки, се укажува на тоа дека Путин се подготвува за офанзива.
