Норвежанецот Мартин Одегард е позитивен на коронавирусот и тоа откако играше за Реал во неделата против неговиот поранешен клуб.
Откако се вратиле од гостувањето во Сан Себастијан во Баскија, целиот тим на Реал Мадрид бил подложен на тестирање за COVID-19, а резулатите дале еден позитивен тест, оној на Одегард.
Ова го објави Marca повикувајќи се на мадридскиот медиум Onda Cero кој го открил името на позитивниот.
Норвешкиот репрезентативец одигра 69 минути во ремито без голови против Реал Сосиедад, тимот за кој настапуваше лани. Потоа синоќа бил и на тренинг со останатите соиграчи, па откако се утврди дека е позитивен, сега сите негови колеги ќе мораат одново да прават ПЦР тестови за да се види дали некој се заразил.
Она е што е сигурно е дека Одегард нема да игра против Бетис в сабота, а колку време ќе биде во карантин зависи од тоа кога ќе добие негативен тест.