Pfizer и BioNTech имаат намера да побараат овластување во наредните недели за да дадат трета доза од нивната вакцина против COVID-19. Ова се наведува во соопштение на двете компании.
Целта е со трета доза на вакцина да се зголеми имунолошката заштита на веќе вакцинираните.
Според прелиминарните податоци од направените тестови, друга доза дадена 6 месеци по втората ги зголемува нивоата на антитела против оригиналниот вид на вирусот до 10 пати. Pfizer и BioNTech ќе обезбедат детални информации до Европската агенција за лекови и американската Администрација за храна и лекови.