Пикерот на австриската репрезентација, Тобиас Вагнер, на натпреварот против Франција се бореше против многу силните „Триколори“, а во еден момент мораше да го чуваат дури четворица противнички играчи.
Вагнер прими една топка, а дури четворица француски репрезентативци стигнаа до него за да го спречат корпулентниот Австриец, што на крајот и им успеа. Тоа беа Дилан Наи, Никола Карабатиќ, Лудовик Фабрегас и Карл Конан.
Инаку, Австрија беше поразена од Франција со 33:28, а Вагнер натпреварот го заврши со 4 постигнати гола.
На првенството постигна вкупно 23 гола на шесте натпревари, или нешто помалку од 4 гола во просек по натпревар.
Да додадеме дека овој 28-годишник има одиграно 90 натпревари и постигнато 220 гола во австриската репрезентација, а моментално настапува за Брегенц во својата татковина.
Според официјалните податоци на официјалната веб-страница на ЕХФ, висок е 198 сантиметри и тежок 125 килограми.
Да потсетиме, Австријците денеска ќе ги одмерат силите против Исланд, а во случај на победа ќе им биде потребна победа на Франција над Унгарија како и на Хрватска против Германија.
