Верстапен по втор пат е шампион во Формула 1, а ни нему не му е јасно како се случи тоа по хаосот на патеката Сузука во Јапонија.
Тој победи во скратената трка и на крајот по втор пат стана шампион во Ф1, иако ни самиот не знаеше кога заврши трката, па дури и се прашуваше зошто му е доделен трофејот.
Верстапен имаше прилика да ја освои титулата, но шансите му беа значително намалени откако беше донесена одлука да се вози скратено поради лошите услови во Јапонија.
Сепак организаторите донесоа одлука да доделат целосни бодови така што Верстапен ја освои шампионската титула втор пат по ред. Ни самиот Холанѓанец не знаеше дека е шампион па збунето ги прашуваше членовите на тимот на кој начин ја освои титулата.
Во трката што се возеше само околу 40 минути, Верстапен најдобро се снајде и без проблеми славеше. Зад него остана Серхио Перес, а од второ на трето место со одземање 5 поени е Шарл Леклер, што значеше титула за Верстапен.
Трката мина со хаос и неколку часа доцнење и одложување.