Во 73 година од животот денеска почина францускиот тренер Жерар Улје, најпознат по водењето на Ливерпул од крајот на 90-тите и почетокот на овој милениум.
Французинот седеше на кормилото на „Црвените“ од „Енфилд“ од 1998 до 2004 година, период во кој не успеа да им ја донесе титулата во Премиер лигата, но освои по еден ФА Куп и Суперкуп, двапати Лига куп, а триумфираше и во УЕФА купот и УЕФА Суперкупот. Во 2001 година ја освои наградата за тренер на годината според новинарите.
Роден на 3 септември 1947 година во малото гратче Теруан на крајниот север на Франција, Улје беше играч од средниот ред играјќи аматерски за Алсоп, Икелјер и Ле Туке. Токму во последниот клуб ја почна тренерската кариера каде преку петтолигашот Но-ле-Мин стигна до Ланс откако упеа да го внесе тимот дури до Лиг 2 скокајќи три нивоа. И во Ланс имаше успех: прво се пласираше во Лиг 1, а потоа и избори учество во УЕФА купот. Првата титула шампион на Франција ја освои со ПСЖ во 1985 година.
Црна дамка во неговата кариера остана неуспехот како селектор на Франција кога не успеа да се квалификува на Мундијалот во САД 1994 година.
Во Ливерпул дојде во 1998, потоа го водеше Лион со кој ги освои својата втора и трета титула шампион на Франција, а се пензионира во Астон Вила во 2011 година.