Саемот SEMA полека привршува. Производителите и тјунерските куќи повторно се собраа во Лас Вегас, за да го претстават најдоброто со кое располагаат во областа на дизајнот, технологијата и доработката.
Само Ford покажа 40 фасцинантни концепти на штандовите, а Honda исто така настапи со импресивна флота. Nissan е уште еден јапонски производител кој привлече големо внимание, додека Mazda отсуствуваше.
Сепак, тоа не значи дека овој култен бренд нема со што да се пофали, напротив.
Имено, до Американската канцеларија за заштита на патенти е поднесено барање за заштита на патент во врска со прилично фасцинантен систем. Станува збор за интересна иновација, која подразбира замена на физички контролни единици со виртуелни, пишуваат Вреле Гуме.
Во основа, она што го замисли Mazda е проектор кој може да проектира холографски приказ на површина. Кога корисникот ќе стави прст на виртуелното копче, сензорот во проекторот открива промена во шемата на проектираната слика.
Сензорот е способен да ја открие насоката во која прстот ја допира површината. На овој начин, промената на поставките може да се забрза.
На пример, ако инфозабавниот систем е поставен на „тивкo“, држењето на „копчето“ што покажува „горе“ со поголема сила од нормалното му овозможува на системот да препознае дека сакате значително да го засилите звукот. Истото важи и за климата, да речеме.
Тоа е навистина одлична идеја, која би можела да ги извади физичките компоненти од употреба и да го револуционизира минималистичкиот дизајн, но сигурно е дека допрва треба да се надминат многу пречки.
