Смртта на легендарниот аргентински фудбалер Диего Марадона сѐ уште е топ тема во неговата родна земја, а тамошните медиуми јавуваат дека е покрената истрага против неговиот личен возач Максимилијано Тримарчи.
Тројца судии кои работат на случајот наредија дополнителна истрага против 44-годишниот Тримарчи, кој со години му беше возач на Марадона.
Тој, наводно, сведочел дека не бил на местото на смртта на Марадона, но камерите и податоците на мобилните телефони покажуваат друго.
Покрај тоа што беше возач на Марадона, Тримарчи е и брат на сметководителот на Марадона кој водеше неколку бизниси на легендарниот фудбалер.
Quién es Maximiliano Trimarchi: el hombre que estuvo cuando murió Diego Maradona, pero ningún testigo mencionóQuién es Maximiliano Trimarchi: el hombre que estuvo cuando murió Diego Maradona, pero ningún testigo mencionó Su departamento fue allanado esta mañana y pertenece al entorno de Matías Morla. Cumplía el rol de chofer y trasladó a la psiquiatra Cosachov al barrio San Andrés. http://bit.ly/37o0gTA
Posted by TN Todo Noticias on Tuesday, December 15, 2020
Тој во моментов не е на списокот со осомничени, но според аргентинските медиуми, тоа би можело да се смени во следните неколку часа. Обвинителот Патрисио Ферари нареди претрес во неговиот дом и заплена на мобилните телефони и други електронски уреди.
Во неколку наврати бил забележан како влегува и излегува од куќата во која почина Марадона утрото на 25 ноември.
Иако тој негираше, податоците од мобилниот телефон на Тримарчи и видеозаписите од безбедносните камери јасно покажуваат дека тој престојувал во куќата каде Марадона ги помина последните денови од својот живот.
Сега се поставува прашањето зошто тој сведочел лажно и затоа е покрената истрага која треба да даде одговори во наредните денови.
