Атлетската репрезентација ан Италија стана европски шампион на првенството што се одржува во Полска, но домаќините за време на славјето ја промашија песната со која сакаа да ѝ оддадат почит на Италија.
Песната со која навивачите на стадионите низ Италија често се потсмеваат со Јувентус сега одекна и на Европското првенство во атлетика.
На стадионот „Шлонски“ во градот Хожув репрезентацијата на Италија беше одликувана со златни медали како екипен победник на континенталниот собир. Полските домаќини, сакајќи победничкото славје да го зачинат со еден култен италијански евергрин, преку озвучувањето ја пуштија веселата песна „Sarà perché ti amo“ од групата „Ricchi e Poveri“.
Но, очигледно организаторите не знаеле дека песната има и друга, многу популарна верзија во Италија, верзија посветена против Јувентус што често се пее на стадионите низ Чизмата, кога противничката екипа е токму Јувентус.
Сѐ било во ред во Хужув сѐ додека Џанмарко Тамбери, инаку скокач во височина, не го кренал пехарот и не дошол на ред изменетиот стих.
Во оригналната верзија на „Ricchi e Poveri“ песната оди вака:
„Stringimi forte e stammi più vicino
Se ci sto bene
Sarà perché ti amo“
додека во изменетата анти-Јуве верзија стихот вели:
„Stringimi forte e stammi più vicino
e chi non salta
è un gobbo juventino“.
Потоа дел од италијанските натпреварувачи и сами си го пееја анти-Јуве делот. Нормално, меѓу нив не беше стринтерот Филипо Торту, инаку навивач на „Бјанконерите“.
Веста од Полска одекна во Италија и веднаш стана вирална.
Италија на првентсвото заврши прва со 426,50 бодови, пред второпласираната репрезентација на домаќинот Полска, која освои 402,50. Трета беше Германија со 387,50 бодови. Италијанците освоија 14 медали, од кои 6 златни, 5 сребрени и 3 бронзени.
Италија никогаш претходно немаше победено на Европско во атлетика.
Сличен гаф се случи на почетокот од месецов на кошаркарското финале на Исланд. Играа екипите на Валур и Тиндастол, а на паузата публиката се забавуваше со погрешната верзија на „Sarà perché ti amo“.
