Годинава Porsche го слави 20-тиот роденден на моделот Cayenne и по тој повод откри изглед на уникатен прототип.
Станува збор за кабриолет верзија на првата генерација на Cayenne која би се појавила на пазарот истовремено со исто толку чудниот Nissan Murano CrossCabriolet.
Од Porsche велат дека почнале да размислуваат за различни стилови на Cayenne веднаш откако моделот се појавил на пазарот во 2002 година. Се разгледувале три опции: купе, поголем модел со три реда седишта и кабриолет.
Сепак, Porsche се откажа од кабриолетот и го направи Package Function Model прикажан на фотографиите. Во компанијата не биле сигурна кога станува збор за изгледот на задниот дел, па прототипот заврши со два различни дизајни на двете страни. Прототипот не е во возна состојба и ги нема зајакнувањата на каросеријата кои се неопходни за кабриолетите. Има мек покрив кој се протега од столбовите А до подигнатиот дел од покривот назад. Страничните прозорци се заострени така што кабриолетот има поелегантен изглед. Двете врати се подолги за 20 сантиметри од оние на стандардниот Cayenne.
Мекиот покрив може да се отстрани рачно, но Porsche развива механизам за електронски покрив. Направена е и компјутерска симулација која покажува како задниот панел би се отворил и би направил простор за покривот. Решението е слично на она што се користи за моделот Porsche 911 Targa од генерацијата 991.
Два фактора спречиле кабриолетот Cayenne да биде пуштен во производство. Првата е оценката на компанијата дека кабриолетот нема да биде особено профитабилен, а од Porsche не биле сигурни ни дека дизајнот ќе биде доволно привлечен.
Porsche моментално работи на освежување на моделите Cayenne и Cayenne Coupe, кои би можеле да се појават веќе оваа година. Кабриолетот останува само идеја.
