Познати се сите учесници во осминафиналето на Лигата на шампионите по синоќешното шесто коло од групната фаза, па нема дилема дека напролет нѐ очекуваат спектакуларни дуели.
Нокаут фазата во Лигата на шампионите почнува на 13 февруари со првите осминафинални натпревари, а ќе заврши на 1 јуни со финалето на лондонски „Вембли“.
Жрепката за осминафиналните двојки е закажана за в понеделник точно на пладне по средноевропско време.
Како првопласирани од групната фаза во жрепката влегуваат:
- Арсенал (Англија)
- Атлетико (Шпанија)
- Баерн (Германија)
- Барселона (Шпанија)
- Борусија Д. (Германија)
- Манчестер Сити (Англија)
- Реал Мадрид (Шпанија)
- Реал Сосиедад (Шпанија)
Како второпласирани влегуваат:
- Интер (Италија)
- Копенхаген (Данска)
- Лајпциг (Германија)
- Лацио (Италија)
- Наполи (Италија)
- Порто (Португалија)
- ПСВ (Холандија)
- ПСЖ (Франција)
Жребувањето ќе биде како и досега: се влечат 8 пара составени од првопласирани против второпласирани. Забрането е клубови од иста земја да сочинувата пар, како и клубови што излегле од иста група.
Првите осминафинални натпревари ќе се играат на 13/14 и 20/21 февруари. Реваншите се на 5/6 и 12/13 март следната година.
Понеделничката жрепка ќе биде стримувана во живо на веб-страницата на УЕФА, а ТВ пренос ќе има и на Arena.
