Синоќа, ден пред да поминат точно шест месеци од почетокот на војната, започна фудбалското првенство на Украина, како што и беше најавено.
Минатата сезона беше прекината по нападот на Русија на Украина, а федерацијата одлучи да не прогласи шампион.
Со натпреварот меѓу Шахтар од Донецк и Металист 1925 од Харков и официјално започна новата сезона, а натпреварот меѓу клубовите од градовите кои беа многу погодени од воените конфликти заврши без голови.
Натпреварот се одигра пред празни трибини во Киев на државниот празник Ден на украинското знаме. Воведниот удар го изведе ранет војник, а младиот играч на Шахтар, Данило Сикан, не можеше да ги задржи солзите.
Во вторникот, исто така, без присуство на публика на програмата беа уште три дуели: Чорноморец - Верес 0:1, Зорја - Ворлска 3:1 и Колос - Кривбас 1:0. Единствен кој играше на својот стадион беше тимот на Колос од селото Ковалинка кое се наоѓа во Киевската област.
Во тимот на Ворскла беа и двајца македонски фудбалери. Играчот од средниот ред, Еннур Тотре, го почна натпреварот со 10-ката на грбот и играше до 66. минута, додека дефанзивецот Ѓоко Зајков, кој носи тројка, го изгледа натпреварот од клупата за резерви.
Во украинската лига сезонава се натпреваруваат 16 екипи и тоа:
- Верес (Ривне)
- Ворскла (Полтава)
- Динамо (Киев)
- Днипро-1 (Днепар)
- Зорја (Луганск)
- Инхулец (Петрове)
- Колос (Коваливка)
- Кривбас (Кривиј Рих)
- Лвив (Лавов)
- Металист (Харков)
- Металист 1925 (Харков)
- Минај (Ужгород)
- Олександрија (Олександрија)
- Рух (Лавов)
- Чорноморец (Одеса)
- Шахтар (Донецк)
Шахтар - Металист 1925 0:0
Чорноморец - Верес 0:1
Зорја - Ворлска 3:1
Колос - Кривбас 1:0
