Премиерата ќе биде само формалност - веќе сѐ се знае за телефоните Galaxy S23 на Samsung.
Не престанува протекувањето информации за новите Samsung телефони. Не сме сигурни дека остана нешто со кое јужнокорејскиот технолошки гигант ќе успее да нѐ изненади, а според најновите слики кои се објавени на веб-страницата Slashleaks рендерите кои имавме можност да ги видиме кон крајот на септември се покажаа како точни.
На сликите кои ги сподели корисникот Leakspinner може да се видат dummy единиците на сите три модели на Galaxy S23 во црна и бела боја, како и новиот дизјан кој Samsung ни го подготви - нешто слично како што можевме да видиме за iPhone 14 уредите три месеци пред официјалното лансирање.
Се приметува дека Samsung новиот дизајн го засновал на телефонот Galaxy S22 Ultra со посебни „острови“ за камера на задната страна на сите три уреди. Galaxy S23 Ultra е речиси идентичен на својот претходник, со екран од околу 6,8 инчи, 5 „острови“ на задната страна и помалку заоблена рамка. Се разбира, ни поевтиниот модел не носи големи промени бидејќи единствената разлика е во изгледот на системот на камерата.
Она што не се гледа на сликите, а што го знаеме од претходните пати кога протекуваа информации, е тоа што новите телефони ќе имаат UFS 4.0 внатрешна меморија и LPDDR5X рам, како и дека ќе користат ексклузивна верзија на чипсетот Snapdragon 8 Gen 2, кој ќе има поголема брзина на такт во однос на конкуренцијата - како процесор, така и Adreno 740 графика.
За разлика од претходните модели, Samsung наредната година ќе донесе ист дизајн и на своите уреди од средна класа. Така, Galaxy A54 и Galaxy A34 ќе имаат ист изглед на системот на камерата како и поскапите модели.
