Начинот на кој го воспитуваме детето има значајно влијание врз неговиот раст и развој, а родителите имаат најголема улога во овој процес.
Како што објаснува психијатарот Мејмунах Јусуф Кадири за Mom Junction, има одредени работи кои родителите, честопати целосно несвесно, негативно влијаат на развојот на нивното дете, и психички и физички.
„Влијанието на родителите врз децата е огромно и влијае на тоа како тие се однесуваат. На пример, одржувањето пријатна атмосфера дома помага да се поттикне сигурноста и самодовербата кај детето. Од друга страна, детето кое е секогаш анксиозно и нервозно често може да биде изложено на лошото однесување на неговите родители. Затоа, важно е да се разбере дека начинот на живот и несогласувањата со партнерот можат многу да влијаат на целокупниот развој на детето и погледот на сите негови идни врски во животот“, објаснува психијатарот.
Како што нагласува Јусуф Кадири, има одредени работи, поточно четири, кои особено негативно влијаат врз развојот на детето. Тоа се:
- изговарање навреди и пцовки во присуство на дете или во комуникација со него
- лоши навики како што се пушење, консумирање алкохол или лажење на кои детето е изложено
- нарушени односи со другиот родител, како што се постојани расправии или насилство
- проблеми со контролирање на однесувањето како што се агресивно однесување, викање или физичко казнување на детето.
Секоја од овие навики има негативно влијание врз развојот на детето, а последиците во повеќето случаи стануваат очигледни дури подоцна кога детето ќе влезе во пубертет или ќе порасне.
Имено, најчесто се видливи проблемите во одржувањето на квалитетни и здрави партнерски односи, а луѓето кои пораснале со такви родители се исто така посклони кон депресија, анксиозност и агресивно однесување.