Раководството на Вотфорд вечерва му врачи отказ на италијанскиот стратег Клаудио Раниери по само 112 дена минати на клупата на англискиот прволигаш.
Раниери (70) доби отказ по неделниот првенствен пораз од Норич (0:3) по што Вотфорд се спушти на 19. место на табелата со 14 бодови, само два повеќе од фенерџијата Барнли.
Вотфорд сега е во потрага по трет тренер оваа сезона, која ја почна со Шпанецот Сиско Муњос, кој доби отказ на почетокот на октомври.
Неговиот наследник Раниери го предводеше Вотфорд на 14 натпревари и забележа само 2 победи, 1 реми и дури 11 порази.
