Џорџ Расел вели дека е „најлошо чувство во светот“ да се судриш во последниот круг додека го држиш третото место на трка во која си имал добри шанси да победиш и искрено признава дека „нема поим“ што се случило.
На трката за Големата награда на Сингапур во неделата победи Карлос Саинс од Ферари, а Британецот Расел навистина има за што да жали. Бркаше победа, а на крајот остана без бодови и се пласираше на 16. место иако фактички не ја завршпи трката, но бидејќи комплетираше над 90% од круговите.
Расел ги одвои возачите на Ферари во квалификациите и беше на само 0,072 секунди од пол-позицијата, а на стартот ја загуби позицијата од Леклер кој стартуваше со помеки гуми.
Виртуелното безбедносно возило во 44. круг му даде можност на Мерцедес да стави нови медиум гуми и да почне потера за Саинс, Норис и Леклер, а иако Расел и Хамилтон ги стигнаа, тие не беа во можност да ги престигнат Саинс и Норис.
Во последниот круг, Расел го удри десниот крај на својот Мерцедес во ѕид кој никој не го удри цел викенд, барем не толку силно, а Норис малку го допре ѕидот на истото место во истиот круг.ж
„Со тоа што Карлос цело време го диктираше темпото, прилично е тешко да се остане фокусиран бидејќи бевме секунда и пол зад темпото“, рече Расел.
„Но, беше сосема природно за него да го направи тоа со, да речеме, предноста во гумите што ја имавме и ако тргнеше малку побрзо, ќе ни дадеше шанса. Очигледно имавме среќа со виртуелното безбедносно возило и тогаш трката навистина се сврте и стана навистина возбудлива. Навистина притискав до крајот, но повторно, Карлос заврши одлична работа и успеа да ја задржи разликата меѓу нас давајќи му ДРС на Ландо. Тоа беше многу паметно од него“.
„Имав половина шанса со Ландо, да бев поблиску до половина болид, мислам дека ќе победев на трката бидејќи ќе бев пред Ландо, а потоа на Карлос ќе останеше без ДРС и ќе поминев. него. Наместо тоа, ја завршив трката во ѕидот и немам поим што се случи, како се случи, веројатно недостаток на концентрација, можеби фрустрација знаејќи дека тоа е последниот круг, шанса исчезна. Грешка од еден сантиметар некако го збрка цел викенд“.
„Во тој момент сакаш само да се стуткаш во топка и да не бидеш со никого. Тоа е најстрашното чувство на светот“, отворено аборува Расел.
„Кога си толку физички и психички истрошен, си ја пропуштитил шансата да победиш, а потоа правиш таква грешка. Навистина е срцепарателно“.
