Уште двајца играчи на „Нераѕурите“ се позитивни на COVID-19 по што клубот ги прекина сите активности, а Лега Калчо го одложи нивниот саботен натпревар.
По латералниот бек Данило Д'Амброзио и голманот Самир Хандановиќ, денеска се појавија уште двајца играчи заразени со коронавирусот. Се работи за Уругваецот Матијас Весино и Холанѓанецот Стефан де Врај.
Целиот тим заминува во четиридневен карантин, а в понеделник ќе бидат направени нови тестови на целата екипа.
Со оглед на тоа што следува интернационална пауза, а Интер има многу репрезенттаивци, никој нема да може да им ѝ се приклучи на својата репрезентација.
Воедно, откако Интер ја информираше Серија А за новонастанатата ситуација, Лега Калчо одлучи да го одложи натпреварот Интер - Сасуоло закажан за в сабота од 20:45 часот во Милано како превентива со оглед на тоа што расте бројот на заразени во тимот.
Засега не се знае кога ќе се одигра овој натпревар, а италијанските медиуми шпекулираат дека тоа би можело да се случи веќе на 7 април. Ниту Интер ниту Сасуоло немаат други обврски освен натпреварите во лигата, така да нема да биде проблем да се најде простор во календарот.