Српскиот кошаркар Никола Јокиќ одигра неверојатен натпревар против Феникс Санс и уште еднаш покажа дека со право го нарекуваат еден од најдобрите кошаркари на денешницата, а по натпреварот гледачите можеа да видат интересна сцена кога новинар му го честита католичкиот Божик.
Јокиќ со трипл-дабл на божикната програма во НБА го собори рекордот за најмногу поени, а откако новинарот Хорхе Седано на крајот од интервјуто му го честиташе католичкиот Божик, српскиот играч низ насмевка изјави (на 1:02 на видеото):
„Не ми е Божик, но среќен Божик“, рече Јокиќ додека новинарот набрзина се поправи и додаде: „Да, да. Среќни празници“. Јокиќ е православен христијанин по Божик го слави на 7 јануари. Во САД мнозинството се католици и протестанти и затоа Божик се слави на 25 декември.
По завршувањето на интервјуто, Јокиќ се упати кон трибините каде што беше неговата сопруга, но и некои од неговите пријатели или членови на семејството.
Јокиќ им замавна, а потоа покажа три прста. Тоа го направи во два наврати со насмевка, но не се знае зошто.
Денвер Нагетс по продолженија и одличен натпревар на домашен терен го победи Феникс Санс со 128:125.
Прво име на натпреварот беше токму Јокиќ, кој за нешто повеќе од 44 минути минати на теренот постигна 41 поен, 15 скока и 15 асистенции, со што апсолутно го заслужи статусот најдобар играч на божикната програма во НБА.
