Интересна споредба направи La Gazzetta dello Sport кога станува збор за трошоците што секој четвртфиналист од Лигата на шампионите ги одвојува на име плати на играчи.
Актуениот шампион Реал Мадрид троши убедливо нaјмногу од сите четвртфиналисти сезонава во Лигата на шампионите. Кралскиот клуб за плати одвојува 290 милиони евра бруто.
Втор најголем трошач е Баерн со 270 милиони, а трет Манчестер Сити со 213 милиони, три повеќе од Челси со 210 милиони.
Токму четирите најголеми трошачи го сочинуваат едниот финален пат, што значи дека во финалето ќе игра богат клуб против клуб од т.н. средна класа.
Условно кажано сиромашната половина ја предводи Интер со 132 милиона евра на име бруто плати, потоа Милан 79 милиони, Наполи 70 милиони и Бенфика со само 42 милиона. Овие четири клубови ќе дадат еден финалист.
Интересно, ако се соберат трошоците за плати на трите италијански тимови (281 милион), тие ќе бидат речиси колку оние на Реал, но кралскиот клуб сепак ќе има поголеми трошоци (290 милиони).
