Вкусни пилешки шницли кои може да ги комбинирате со омилениот зеленчук.
Потребни состојки:
-600 г пилешко бело месо
-50 мл масло
-сок од еден лимон
-сол, бибер
-10 г брашно
-100 мл бело вино
-150 мл павлака за готвење
-20 г путер
-магданос
-лажица сув зачин од билки
Начин на подготовка:
Месото исечете го на шницли, намачкајте го со сувиот зачин и солта, па попрскајте со сокот од лимон. Така подготвените шницли оставете ги малку да отстојат.
Потоа посипете брашно и печете на загреано масло, кога ќе добијат убава светла кафена боја залејте ги со вино и оставете да се варат.
Пред крајот додадете ја павлаката за готвење, додадете малку сок од лимон, бибер и сув зачин. Сето заедно нека проврие, а пред крајот во сосот додадете путер.
При послужување шницлите прелијте ги со сосот, додадете исецкан магдонос и декорирајте со парчиња лимон исечен на половина.