Сер Џим Ретклиф, наводно, се подготвува да намали до 25% од работната сила на Манчестер Јунајтед во систематизација на работењето на клубот.
Основачот на INEOS, доби значително ниво на контрола на „Олд Трафорд“ откако се стекна со 27,7% од акциите преку неговата инвестиција од 1,3 милијарди фунти минатиот месец.
Јунајтед има најголем број вработени во Премиер лигата, на платниот список на клубот има 1.200 луѓе.
Реткилф и INEOS, изградија репутација за фокусирање на квалитетот пред квантитетот со намалување на бројот на вработени по преземањето. Се чини дека нема да биде поинаку и во Јунајтед.
Според Mirror, Ретклиф планира да отпушти една четвртина од својот сегашен персонал, што би резултирало со околу 300 отпуштања.
Арсенал, Ливерпул и Манчестер Сити имаат помалку од 1.000 вработени.
