Славната пејачка Ријана одлучи Денот на вљубените посебно да им го разубави на мажите, па претстави колекција на машка долна облека наречена Glossy Flossy, која предизвика различни реакции во јавноста.
На страницата на нејзиниот бренд Savage X Fenty се објавени фотографии од мажи кои промовираат парчиња од нејзината нова секси колекција, а во понудата може да се најдат различни модели.
И додека многумина тврдат дека ова е идеален подарок за партнерот по повод Денот на вљубените, кај некои предизвика спротивни реакции, па мислат дека е непримерно и промовира погрешни вредности.
Има и такви кои се пошегуваа со целата ситуација.
„Ријана ги тера мажите да се облекуваат провокативно, тоа ми се допаѓа“, „Конечно и мажите имаат своја секси долна облека“, „Ако маж ми не се појави во ова, ќе му се налутам“, „Одам веднаш да му купам на дечко ми“, „Би сакал да имам храброст да го облечам ова“, се дел од коментарите.