Кристијано Роналдо им се заблагодари на навивачите на Ливерпул за одличниот гест кога по смртта на новородениот син со аплауза му искажаа поддршката за време на дерби натпреварот против Манчестер Јунајтед.
Во 7. минута, согласно бројот на дресот на Роналдо, почнаа да му аплаудираат на Португалецот и така 60 секунди му даваа поддршка на фудбалерот на Манчестер Јунајтед кој доживеа семејна трагедија, иако тој ниту играше, нути беше на трибините.
Навивачите на Ливерпул со овој потег го воодушевија светот и покажаа дека некои работи се поголеми и од фудбалот и од најголемото ривалство во Англија.
„Еден свет. Еден спорт. Едно глобално семејство. Благодарам, 'Енфилд'. Јас и моето семејство никогаш нема да го заборавиме овој момент на почит и сочувство“, напиша Роналдо на Instagram.
Јунајтед нема да го брза Роналдо со враќање на теренот, иако остануваат уште само пет кола до крајот на сезоната во Премиер лигата. Клубот се реши на џентлменски гест и му даде време колку што сака, откако го потресе невидена семејна трагедија.