Големото славје на Манчестер Сити, каде имаше и алкохол, лошо се одразило на португалскиот фудбалер.
Европски шампиони за прв пат во својата историја: историска титула прославена на дефинитивно незаборавен начин. Колку повеќе одминуваат часовите, толку поживописни детали се појавуваат по победата на Манчестер Сити од 1:0 над Интер во финалето во Истанбул.
Од тренинг-кампот во Бразил, голманот Едерсон откри што неговиот дефанзивец Рубен Диаш му направил на кутриот Џек Грилиш по победата над Интер.
„Има играчи што не пијат, но направија исклучок. Рубен Диаш го направи овој исклучок и не му одеше добро... Хахаха. Два шота и... и се исповрати. Хахаха... Нема да верувате, но сѐ отиде во чантата на мајката на Џек Грилиш“, раскажа бразилскиот голман.
Централниот дефанзивец веќе е опоравен од пијанката и се наоѓа со репрезентацијата на Португалија, каде се подготвува за двата ЕУРО 2024 квалификациски натпревари, утре против Босна и Херцеговина и во вторник кај Исланд.
Веројатно нареден пат нема да испие ниту два шота.