Русија направи „чудо од возило“, мултифункционална теренска „ѕверка“ која ефикасно ги совладува најтешките терени, соопштија претставници на компанијата задолжена за конструкција на возилото.
Новиот теренец ќе стане незаменлив помошник во руското покорување на Арктикот, со оглед на неговата одлична способност за движење на мраз.
Во јануари, 2020 година Русија ќе почне сериско производство на најновиот арктички теренец Sherp со конфигурација 10х10, изјави Александер Чикин, началникот на експерименталното одделение на компанијата Sherp од Санкт Петербург.
Возилото првпат беше претставено на јавноста во октомври во Торонто.
На задната платформа со шест тркала може да се додаде станбен или медицински модул, транспортна едница, електрана или мала дупчалка.
Машината веќе е тестирана и успешно помина 10.000 километри од Архангелск до Анадир.
Теренецот-амфибија на пат достигнува максимална брзина од 35 км/ч, а на отворена вода – 6 км/ч.