Белоруската тенисерка Арина Сабаленка ја совлада Линда Носкова од Чешка со 6-3, 7-6 во финалето на првиот од двата турнира во австралискиот град Аделаида со награден фонд од 775.400 евра.
Сабеленка беше втора носителка на турнирот во Аделаида, а со триумфот над Носкова ја освои својата 11-та ВТА титула.
За белоруската тенисерка ова беше 19-то ВТА финале, додека Носкова претрпе пораз во своето прво финале до кое дојде со сензационален триумф во полуфиналето над втората светска тенисерка и прва носителка на турнирот во Аделаида, Тунижанката Онс Жабер.