Саудиска Арабија ќе ја отвори првата продавница за алкохол во земјата која ќе опслужува само дипломати, со што ќе ја прекрши децениската строга забрана за алкохол во кралството.
Извор за Reuters изјави дека продавницата ќе биде отворена во дипломатскиот кварт на главниот град Ријад и ќе биде „строго ограничена“ за немуслиманите.
Продавницата се очекува да биде отворена во наредните недели.
Во 1952 година, кралството строго ги забрани алкохолните пијалоци во земјата, иако соседните земји од Персискиот Залив, како што се Обединетите Арапски Емирати и Катар, направија исклучоци.
Иако отсекогаш имало нелегално консумирање алкохол во земјата, новата продавница ја означува првата легална продажба на алкохолни пијалоци, потег што веројатно ќе налути многу конзервативни муслимани кои веруваат дека консумирањето алкохол е забрането според исламските учења.