Вечерва фудбалскиот свет очите ќе ги впери кон Цирих каде светската фудбалска федерација ќе ги прогласи најдобрите за изминатата 2021 година.
ФИФА свечената церемонија ја закажа за денеска (понеделник, 17 јануари) со почеток во 19 часот по средноевропско време.
Настанот ќе се одржи во Домот на ФИФА во Цирих, Швајцарија, а водители ќе бидат британската спортска новинарка Решмин Чоудури и поранешниот англиски репрезентативец, а сега стручен коментатор - Џермејн Џенас.
Нема потреба да губите време вртејќи по канали или гледајќи низ програмните водичи бидејќи самата ФИФА ќе врши директен пренос на своите канали и тоа на YouTube, Facebook и Twtter, а стрим ќе има и на нејзината официјална веб-страница. Така да сѐ што ви треба е компјутер, смартфон, таблет или смарт ТВ и стабилна интернет конекција.
Гласањето се затвори ноќеска на полноќ, а секој фудбалски фан можеше да гласа во сите категории на веб-страницата на ФИФА.
Пристигнатите гласови од навивачите потоа се спојуваат со оние на репрезентативните капитени, селекторите и медиумите и вкупните бројки ги одредуваат победниците без учество на било какво стручно жири.
Финалниот круг од тројца фудбалери беше објавен на 7 јануари 2022 откако претходно на 22 ноември 2021 беа објавени сите десет номинирани.
Денешниот победник се крие помеѓу следниве тројца номинирани:
Роберт Левандовски - Баерн / Полска
Мохамед Салах - Ливерпул / Египет
Лионел Меси - Барселона/ПСЖ / Аргентина
Претходно од трката отпаднаа Кристијано Роналдо, Карим Бензема, Жоржињо, Н'Голо Канте, Кевин Де Брујне, Килајн Мбапе, Нејмар и Ерлинг Холанд.
Последни пет победници:
2020: Роберт Левандовски (Полска)
2019: Лионел Меси (Аргентина)
2018: Лука Модриќ (Хрватска)
2017: Кристијано Роналдо (Португалија)
2016: Кристијано Роналдо (Португалија)
Истиот принцип на номинирање, пласман во финале и гласање важеше за сите останати категории.
Роберто Манчини - Италија
Жузеп Гуардиола - Манчестер Сити / Шпанија
Томас Тухел - Челси / Германија
Џанлуиџи Донарума - Милан/ПСЖ / Италија
Едуар Менди - Челси / Сенегал
Мануел Нојер - Баерн / Германија
Ерик Ламела - Тотенхем (против Арсенал, Премиер лига)
Патрик Шик - Чешка (против Шкотска, ЕУРО 2020)
Мехди Тареми - Порто (против Челси, Лига на Шампиони)
ФИФА ќе го прогласи и тимот на годината составен од најдобрите 11 играчи на секоја позиција. Но, за ова акатегорија гласањето е помеѓу професионалните фудбалери од целиот свет.
Истите категории како во машка конкуренција постојат во женска со истите правила на гласање.
Тука главната битка се водеше помеѓу:
Џенифер Ермосо - Барселона / Шпанија
Сем Кер - Челси / Австралија
Алексиа Путељас - Барселона / Шпанија
