Една од најдобрите тенисерки на сите времиња, Серена Вилијамс, кариерата ја заврши со пораз во третото коло на УС опен, откако беше поразена од Ајла Томљановиќ.
Со резултат од 5-7, 7-6 (7-4), 6-1, по повеќе од три часа игра, Томљановиќ славеше победа по голем пресврт.
„Се обидов, но Ајла играше многу подобро“, изјави Серена по мечот.
„Им благодарам на сите кои овие години, децении, беа покрај мене. Им благодарам на моите родители, тие заслужуваат сè. Ова се солзи радосници. Ѝ благодарам на Венус, таа е единствената причини зошто воопшто постои Серена Вилијамс. Ова беше забавно, неверојатно патување. Многу сум благодарна“, порача Вилијамс.
Уште пред неколку недели Вилијамс порача дека УС опен ќе биде последниот турнир во нејзината кариера. Во кариерата долга две децении, Серена има освоено 23 грен слем титули во поединечна категорија. Четири пати има освоено олимписки медали, 73 пати има освојувано титули.