Олимписката и светска првенка во трискок, Јулимар Рохас, поради повреда ќе ги пропушти Олимписките игри во Париз.
Рохас (28) на социјалните мрежи објави дека се повредила и нема на време да закрепне од повредатаза да го одбрани златото освоено во Токио пред три години.
„Со многу болка и тага сакам да ви кажам дека додека тренирав ја повредив Ахиловата тетива на левата нога“, се наведува меѓу другото во најавата за актуелната светска рекордерка на отворено и во сала.
Рохас го постави светскиот рекорд на отворено (15,67 м) на Олимписките игри во Токио во 2021 година, а во сала (15,74 м) во Белград во 2022 година, за време на Светското првенство.