Според пишувањето на британскиот The Times, Владимир Путин составил црна листа од 23 имиња меѓу кои се и браќата Кличко.
Виталиј е градоначалник на Киев од 2014 година, додека Владимир кој се пријави во војска, овие денови застана покрај неговиот брат и украинскиот народ.
Двајцата поранешни светски шампиони во бокс во тешка категорија со денови носат оружје и ја користат нивната популарност за да побараат помош од светот, јавно и приватно.
Русија наводно испратила 400 платеници во Киев за да го убијат украинскиот претседател Володимир Зеленски и членовите на неговата влада со цел да ги ослабат непријателите на Путин и да извршат итна транзиција во случај да го заземат главниот град на Украина.
„Путин направи црна листа на која се 23 висок украински функционери, меѓу нив се и двајцата поранешни светски шампиони во бокс во тешка категорија, браќата Виталиј и Владимир Кличко. Тие се меѓу најомилените Украинци и станаа заштитни лица на отпорот на руската агресија и окупација на таа земја. Виталиј веќе 8 години е градоначалник на Киев, а Владимир доброволно се приклучи на украинската војска за да ја брани татковината и доби огромен публицитет во светот“, пишува во извештајот на The Times.
Украинската влада е известена за оваа мисија во саботата наутро, па неколку часа подоцна Киев прогласи полициски час, додека цивилите се јасно предупредени дека ќе ги сметаат за агенти на Кремљ ако во меѓувреме излезат.