Министерката за одбрана на Шпанија, Маргарита Роблес, изјави дека очекува долга и сурова војна во Украина.
Таа истакна дека убиствата и наводните мачења на цивили во Буча претставуваат „врв на ледениот брег“ кога станува збор за злосторствата извршени од руската армија од почетокот на инвазијата врз Украина.
Доказите за насилство врз цивили се појавија откако украинската армија ја врати контролата во градовите во близина на Киев кои беа под руска опсада.
Роблес нагласи дека се очекуваат повеќе злосторства во регионот на Донбас, каде што украинските и руските сили се борат од 2014 година.
