Карим Мостафа Бензема (роден 19 декември 1987 година) е француски професионален фудбалер кој игра за најтрофејниот европски и шпански клуб Реал Мадрид и за француската репрезентација. За него велат дека е „неверојатно талентиран напаѓач“, кој е „силен и моќен“ и „со изнвонредна реализација во внатрешноста на шеснаесетникот“.
Бензема е роден во градот Лион, каде што и ја започнал својата фудбалска кариера со локалниот клуб Брон Тераилон. Во 1996 година, тој се приклучи на Олипик Лион, преку младинските категории.
Бензема го направи своето професионално деби во сезоната 2004/05. Во сезоната 2007/08, Бензема стана стартер во првиот тим и постигна над 30 гола, со што му помигна на Лион да ја освои својата седма лига титула. Со неговите одлични игри, беше прогласен за играч на годината во Лига 1 од страна на Националниот Сојуз на Професионални Фудбалери (UNFP) како и во тимот на годината.
Бензема во 2009 година во трансфер вреден од над 35 милиони фунти ( 50 милиони долари), потпиша шестгодишен договор со Реал Мадрид. По борбата да се воспостави во првиот тим во својата деби сезона со клубот, во наредните две сезони, Бензема даде огромен придонес со постигнатите 32 гола со што му помогна на Реал Мадрид да го освои шпанскиот куп и првенството. Бил прогласуван за француски фудбалер на годината трипати, во 2011, 2012 и 2014 година.
Сепак, Бензема нема играно за француската репрезентација повеќе од шест години, пред да биде повторно вклучен за ЕУРО 2020. Зошто беше исклучен од националниот тим? Себ Стафорд-Блор за Tifo Football објаснува како секс снимка, уцена од соиграч и судски случај му се испречија на патот.
