Лошата орална хигиена може да доведе до насобирање наслаги, болест на непцата и може да биде погодна почва за развој на бактерии. Доколку се бакнувате со партнерот, што е нормално, преку плунката сите тие бактерии може да завршат во вашата уста.
„Бакнување со партнер кој не ги мие забите не само што е грозно, туку може да влијае и на вашето здравје“, вели д-р Тина Соу, доктор по стоматологија.
Доколку 10 секунди се бакнувате со некој значи дека во вашата уста можете да пренесете и до 80 милиони бактерии и микрорганизми, појаснува таа. Додека е нормално да имате добри бактерии во устата, бакнувањето некој кој има многу лоши бактерии може да влијае на вашето здравје.
„Тие лоши бактерии при бакнувањето може да се најдат во вашата уста и така да доведат до бројни проблеми во усната празнина“, додава таа. Лош здив, болест на непцата и кариес лесно ќе се создадат доколку не внимавате на хигиената.
Не постои начин да избегнете размена на плунка додека се бакнувате со некого, но постојат начини како бактериите да ги држите под контрола.
„За почеток, важна е правилната орална хигиена, што вклучува миење на забите барем два пати дневно, но и чистење со забен конец, како и редовна посета на заболекар“, продолжи д-р Соу. Понатаму, сѐ додека редовно одржувате хигиена на своите заби, проблеми не би требало да има. Но, хигиена треба да одржува и партнерот.
