Уругвајскиот напаѓач кој дојде како големо засилување во Ливерпул синоќа само потврди дека сезонава е големо разочарување откако промаши празен гол од пет метри.
Ливерпул синоќа немаше проблеми на гостувањето во Амстердам кај Ајакс победувајќи со 3:0, а натпреварот го одбележа епското промашување на Дарвин Нуњес.
Само две минути откако Мохамед Салах во 42. минута го отвори резултатот, Нуњес се најде во идеална позиција бидејќи Роберту Фирмину несебично му сервираше на тацна. Сѐ што Нуњес требаше да направи беше да ја смести топката во празната мрежа на Ајакс, но само ја погоди блиската статива.
Нуњес сепак на почетокот од втортото полувереме ја погоди ајаксовата мрежа, а кратко потоа тинејџерот Харви Елиот ги постави конечните 0:3.
Промашувањето на Нуњес доаѓа само 24 часа по уште поголемото промашување на Украинецот Данило Сикан, кој играјќи за Шахтар против Селтик неславно се прослави.