Данскиот тенисер Холер Руне привлече внимание со скандалозното однесување кон мајка му во текот на меч на Роланд Гарос.
Тенисерот викаше по мајка му и буквално ја избрка од трибините, велејќи и да си оди доколку не може да му помогне.
Данските медиуми пишуваат дека тенисерот, роден во 2003 година, мајка му го гледа на секој меч, но на Ролан Гарос во еден момент во текот на играта тој јавно се скара со неа и тоа предизвика негативни коментари на социјалните мрежи.
Во еден момент Руне седна на клупата, а потоа се сврти кон мајка му и почна да вика на неа:
„Оди си ако не можеш да ми помогнеш. Оди си!“
Анеке Руне, мајката на 19-годшно тенисер, веднаш го напушти мечот.
Потоа, младиот тенисер се правдаше велејќи дека целата ситуација била погрешно толкувана и дека сега му е потребен само мир.
Јавноста жестоко го осуди неговото однесување. Во четвртфиналето тој изгуби од Каспер Руд со резултат од 3:1 во сетови.