Белото месо за многумина е прв избор за ручек или вечера, а доколку го подготвите во соја сос ќе биде неверојатно сочно и вкусно.
Белото месо кое се крчка во „златен“ сос е толку сочно и ароматично што никој нема да може да му одолее.
Помешајте лук во соја сос и ќе го направите најубавото бело месо, кое доволно е да го послужите само со варен ориз како додаток. Брзо се прави, секому ќе му успее бидејќи е едноставно, а скоро сите состојки веројатно веќе ги имате дома.
Потребни состојки:
- 450 г пилешко филе
- 6-8 чешниња лук
- 2 млади лукчиња
- ½ лажичка оцет
- 2 лажици пченкарен скроб + 1 лажичка
- ½ шолја вода
За сосот:
- 2 лажици светол соја сос
- 2 лажички оцет
- 1 лажичка шеќер
- 1 лажичка мелена пипер
Подготовка:
Белото месо исечкајте го на коцки и посолете го, побиберете го и додадете му оцет и 2 лажици скроб. Добро соединете и оставете го на страна 15 минути да отстои. Потоа пропржете го месето додека не добие златна боја, па тргнете го од оган. Во иста тава додадете уште малку масло (доколку е потребно) и пропржете го ситно сечканиот лук. Кога лукот ќе добие боја, додадете го сосот и промешајте. Сосот се прави така што ќе измешате соја сос, оцет, шеќер и мелена пипер. Динстајте 2 минути, а потоа додадете вода во која претходно сте додале лажичка скроб, па нека се готви повремено мешајќи додека не се згусне. Додадете го белото месо и промешајте. Нека се крчка уште некоја минута, па на крај украсете со сечкано младо лукче.
