Стратегот на Манчестер Јунајтед, додека бил тренер во родната Норвешка, бил во скаутска мисија по одреден играч, но веднаш штом ја видел неговата фризура се откажал од него.
Оле Гунар Солскјер откри интересна случка од неговата рана тренерска кариера. Еден ден, додека бил на чело на Молде, со член на неговиот скаутинг тим заминал на лице место да се увери во квалитетите на потенцијално засилување.
Но, скаутингот на Солскјер траел само неколку минути бидејќи кога Солскјер видел дека играчот за фризура има мохиканка, станал и си заминал.
„Еден ден отидов да гледам еден играч и како што излегуваше од соблекувалната, или од тунелот на теренот, имаше мохиканка. Тоа беше кога работев во Норвешка“, раскажува Солскјер за Sky Sports.
„Саму му реков на мојот скаут: 'Да си одиме дома, не сум заинтересиран'. Тоа беше многу кратско скаутинг патување“.
Така, играчот чиј идентитет е непознат, пропуштил шанса да напредува во кариерата бидејќи на Солскјер не му се допаднала фризурата која сигурно со мерак ја носел.
Дали тоа значи дека играчи како Марек Хамшик, Артуро Видал и Раџа Наинголан не би можеле да играат за тимот на Солскјер токму поради нивната препознатлива фризура?
Згора на тоа, додека и неговиот поранешен соиграч од Манчестер Јунајтед, Дејвид Бекам, едно време имаше таква фризура.
