На последниот ден од оваа 2020 година љубителите на спортот во државава сепак ќе имаат што да гледаат, дури и вечер на самиот дочек на 2021.
Шпанската Ла Лига денес има закажано два натпревара и тоа едно големо дерби. Љубителите на фудбалот 2020 ќе ја затворат со баскиската пресметка на „Сан Мамес“ во Билбао со вечното дерби помеѓу Атлетик и Реал Сосиедад. Денеска по точно 147 пат во Ла Лига копјата ќе ги вкрстат овие два лути ривала. Атлетик има 59 победи, Сосиедад има 50, а 37 натпревари завршиле нерешено. Вкупно, во сите натпреварувања денешното дерби ќе биде број 183. Натпреварот се игра од 14 часот, а директен пренос ќе оди на SportKlub 1.
Сепак тоа нема да биде крај на фудбалот денес бидејќи од 16:15 часот завесата во Шпанија ќе имаат чест да ја спуштат Осасуна и Алавес. Преносот исто така ќе оди на SportKlub 1.
За жал истовремено со Баскиското дерби, на Eurosport 1 ќе оди преносот од втората скокалница на турнејата Четири скокалници во Гармиш-Партенкирхен. Денеска ќе бидат квалификациите, додека утре во истото време е завршницата на оваа германска скокалница. На првата скокалница во Оберсдорф триумфираше Карл Гајгер.
Вечерта, пак, е резервирана за кошарка и тоа не било каква, туку НБА.
Во 21 часот по македонско време стартува новогодишната НБА ноќ со дуелот помеѓу Индијана Пејсерс и Кливленд Кавалирс, до доцна во ноќта љубителите на кошарката ќе можат да проследат уште шест натпревари.
13:45 Четири скокалници - Гармиш-Партенкирхен (ски скокови)
14:00 Атлетик - Реал Сосиедад (Ла Лига)
16:15 Осасуна - Алавес (Ла Лига)
21:00 Индијана Пејсерс - Кливленд Кавалирс (НБА)
23:00 Вашингтон Визардс - Чикаго Булс (НБА)
00:30 Орландо Меџик - Филаделфија 76ерс (НБА)
01:00 Хјустон Рокитс - Сакраменто Кингс (НБА)
01:30 Торонто Репторс - Њујорк Никс (НБА)
02:00 Оклахома Сити Тандер - Њу Орлеанс Пеликанс (НБА)
03:00 Јута Џез - Феникс Санс (НБА)