Шпанските и италијанските медиуми пишуваат дека Јувентус постигнал договор со Барселона и фудбалерот Луис Суарес и дека наскоро ќе биде реализиран трансферот.
Суарес ја прифати понудата на „бјанконерите“ – двегодишен договор вреден 10 милиони евра по сезона. Исто така има и опција за продолжување на соработката на уште една сезона.
Tuttomercato објави дека Барса е подготвена летово да го пушти Суарес без отштета, а Јуве би ја платил само номиналната компензација што изнесува околу 1,5 милиони евра, нешто слично на она што го направи Севиља кога во своите редови од Барса го врати Иван Ракитиќ пред нецела недела.
Mundo Deportivo пишува дека Суарес ќе се пријави во италијанскиот конзулат за да направи тест за познавање на италијанскиот јазик и да предаде документи за италијански пасош, бидејќи има право на овој документ врз основа на потекло (неговата сопруга Софија има италијански корени).
На овој начин ќе може да се регистрира во Серија А како играч од ЕУ и ќе ослободи место во „Старата дама“ за странци.