Тренерот на Манчестер Јунајтед, Ерик тен Хаг, ги казни своите фудбалери со вонреден тренинг по поразот од Брентфорд (1:4) во рамки на 2. коло од новата сезона во Премиер лигата, јавија денеска британските медиуми.
Манчестер Јунајтед ја отвори премиерлигашката сезона со два пораза од Брајтон и Брентфорд, а холандскиот стратег за неуспешниот старт ги обвини фудбалерите на клубот од „Олд Трафорд“ и ги повика да преземат одговорност.
Британските медиуми тврдат дека Тен Хаг им го укинал на фудбалерите слободниот ден во неделата и место тоа им наредил на играчите да истрчаат 13.,8 километри, идентично колку што фудбалерите на Брентфорд колективно повеќе истрчаа на дуелот против Манчестер Јунајтед.
Во третото премиерлигашко коло, Манчестер Јунајтед на домашен терен го пречекува Ливерпул.
