Поранешниот американски претседател Доналд Tрамп изјави дека нема да се врати на Twitter сега кога социјалната мрежа е во сопственост на Илон Маск.
Трамп доби доживотна забрана за користење на Twitter по нападот на Капитол Хил на 6 јануари 2021 година.
Откако ја напушти функцијата, Трамп се сврти кон неговата приватна социјална мрежа Truth Social и ја користи како главен начин за комуникација со истомислениците. Многу негови поддржувачи и сојузници исто така се забранети или ограничени на социјалните мрежи, по немирите на Капитол.
По повеќемесечни преговори, Маск во четвртокот ја заврши постапката за купување на Twitter и потпиша договор вреден 44 милијарди долари. Твитна дека „птицата е ослободена“, што е предзнак дека ќе ја олабави праксата за модерирање содржини.
Потоа отпушти тројца директори на Twitter.
Трамп и претходно навести дека нема намера да се врати на оваа мрежа.
„Многу сум среќен што Twitter сега е во разумни раце и повеќе нема да биде управуван од радикални лудаци и манијаци кои ја мразат нашата земја“, објави Трамп на Truth Social.
